向上
雨聲
詠阿勃勒
月的分離式
雄鎮北門
舊打狗驛
舊城曾家
明鑑
哀歌黑蝙蝠
禁
講互暗暝聽
快樂頌台語歌詞

向陽近作

（男中音）
喔，朋友，不是這款聲啦！
換一下，咱著愛擱卡歡喜來唱歌，
歡喜大聲唱歌。
歡喜！

（合唱）歡喜！
（男中音）歡喜！
（合唱）歡喜！

（男中音）
心情輕鬆，樂暢歡喜，
迎接咱的新時代。
你我牽手，佇遮作伙，
大家攏嘛笑咳咳。
四百年來，你我祖先，
佇這個所在來企起，
無論先到，抑是後來，
攏是姐妹佮兄弟。

（合唱）
四百年來，你我祖先，
佇這個所在來企起，
無論先到，抑是後來，
攏是姐妹佮兄弟。

（獨唱家們）
四百年來，你我祖先，
佇這個所在來企起，
無論先到，抑是後來，
攏是姐妹佮兄弟。
誰欲得著光明人生，
著佮朋友心連心。
誰欲得著美滿幸福，
著愛珍惜真感情。

（合唱）
誰欲得著光明人生，
著佮朋友心連心。
誰欲得著美滿幸福，
著愛珍惜真感情。

（獨唱家們）
花芳水甜，四季如春，
大海廣闊山誠靈。
鬧熱街市，美麗田園，
認真拍拼好前程。

社會和諧，國家安定，
街頭巷尾相借問。
也有敬疼，也有感恩，
咱的人生大光明。

（合唱）
社會和諧，國家安定，
街頭巷尾相借問。
也有敬疼，也有感恩，
咱的人生大光明。
大光明！
光明，光明！

（男高音）
歡，喜，
像天頂的月，
每一暝，攏會送清輝；
嘛像東平的日頭，
每早起，
照出光明地。

兄弟，姐妹，向前行，
兄弟，姐妹，向前行，
歡喜，
若認真，就會贏，
若認真，就會贏，
兄弟，姐妹，向前行。

（男高音加男聲合唱）
兄弟，姐妹，向前行，
歡喜，
若認真，就會贏，
歡喜，歡喜，歡喜，
若認真，就會贏。

（大合唱）
心情輕鬆，樂暢歡喜，
迎接咱的新時代。
你我牽手，佇遮作伙，
大家攏嘛笑咳咳。
四百年來，你我祖先，
佇這個所在來企起，
無論先到，抑是後來，
攏是姐妹佮兄弟。
四百年來，你我祖先，
佇這個所在來企起，
無論先到，抑是後來，
攏是姐妹佮兄弟。

（合唱）
兩千萬人著企鬥陣，
將愛送互全世界。
兩千萬人著企鬥陣，
將愛送互全世界。
朋友啊，佇任何所在，
攏著拍拼，創造未來。
朋友啊，佇任何所在，
攏著拍拼，創造未來。

兩千萬人，牽手蓮心，
互世界聽咱的聲，
美麗島嶼啥攏好，
嘛著骨力才會贏。
嘛著骨力才會贏。

（合唱聲部歌詞交互歌唱）

心情輕鬆，樂暢歡喜，
迎接咱的新時代。
你我牽手，佇遮作伙，
大家攏嘛笑咳咳。
兩千萬人，著企鬥陣，
將愛送互全世界。
兩千萬人，著企鬥陣，
將愛送互全世界。
互全世界！

(男低音聲部合唱)
兩千萬人，牽手蓮心，
(男高音聲部合唱)
互世界聽咱的聲，
(女中音聲部合唱)
美麗島嶼啥攏好，
(女高音聲部加合唱)
嘛著骨力才會贏。

(合唱)
朋友，朋友，
佇任何所在，
攏著拍拼，創造未來。
著拍拼，創造未來。

(獨唱：男高音與男低音)
歡喜迎接咱的新時代！
(獨唱：女高音與女中音)
歡喜迎接咱的新時代！
歡喜迎接咱的新時代！
(獨唱：男高音與男低音)
歡喜迎接咱的新時代！

(獨唱家們)
你的祖先，我的祖先，
佇遮企起，
替咱起造好地基。

(合唱加獨唱家們)
你的祖先，我的祖先，
佇遮企起，佇遮企起，
替咱起造好地基。
咱每一位，咱每一位，
咱每一位，咱每一位，
攏是姐妹，攏是兄弟，
莫猜疑。

你的祖先，我的祖先，
佇遮企起，
替咱起造好地基。
咱每一位，咱每一位，
咱每一位，咱每一位，
攏是姐妹，攏是兄弟，
莫猜疑。

(大合唱)
兩千萬人著企鬥陣，
將愛送互全世界。
互全世界。
朋友啊，佇任何所在，
攏著拍拼，創造未來。
朋友啊，佇任何所在，
攏著拍拼，創造未來。

兩千萬人著企鬥陣，
將愛送互全世界。
互全世界，互全世界！
將愛送互全世界，
互全世界，全世界！
全世界，互全世界！

歡喜，歡喜咱佇遮鬥陣，
咱佇遮鬥陣，
迎接咱的新時代！
歡喜，歡喜，
佇遮鬥陣！佇遮鬥陣！
　

2007/10/13修訂完稿
2008/02/28於文建會主辦、國立臺灣交響樂團承辦「以愛重生」音樂會中，由千人合唱團演出
2008/08/15刊登於《鹽分地帶文學》17期，頁50-59