台灣詩人向陽的詩網站,提供向陽現代詩、童詩、數位詩之作品與相關評介

給鏡講的心內話

向上
鏡內底的囝仔
倒面加正面
共款和精差
早時連暗時
有影的參無影的
大的抑是細的
夢見我的鏡
鏡是一片門
鏡的爸爸媽媽
給鏡講的心內話

●向陽


啥麼人發明你
會當照出所有接近你的物
好看的 你照出好看面
歹看的 你照出歹看面
連面肉面頂
一粒小小的痣
你嘛記得一清二楚

啥麼人發明你
親像錄影機共款
會當照出店你頭前震動的姿勢
我伸舌,你隨伸舌
我摸鼻,你隨摸鼻
連我目眉動一下
你嘛同齊
對我動目眉

發明你的人
有淡薄仔飯桶
伊會勿記之給你安一粒心
互你會當看出
好看面的人嘛有歹心腸
歹看面的人也友好心腸

發明你的人
有一寡仔調工
伊會勿記之乎你一個聲帶
親像錄音機共款
會當給我講古
會當加我談散

 

心內話:心中的話。
物:東西,物品。 
看面:面容。
面肉:臉頰。
一粒:一顆。
震動:抖動、動。
隨:隨即,立刻。
目眉:眼眉。

 
 

                                                ®向陽詩房. All rights reserved. Email:hylim@ms21.hinet.net