|
鏡內底的囝仔
那會和我生作者共款？
我問爸爸
爸爸笑一下
憨囝仔
鏡會照人
你照鏡
鏡照你
照出來
當然嘛和你生做攏共款
鏡內底的囝仔
哪會和我生做有精差
我問媽媽
媽媽笑一下
乖囝仔
鏡是物件
無生命
你會走
鏡會勿走
當然嘛和你生做有精差
鏡敢真正和我攏共款？
鏡會曉照出我的形
我哪會照會勿出鏡的影？
鏡敢真正和我有精差？
逐遍我走離開
鏡內底的囝仔擱也會走去避
|
|
註
精差：差異，也有不同的含意。
哪會：怎麼為。
者：這麼。
憨囝仔：傻孩子。
物件：東西，物品。
走：跑。
敢：難道，也有豈真是的含意。
會曉：會，也有懂得的含意。
逐遍：每一次。也可以唸成「逐擺」。
避：躲藏，走避。
|
|
台灣詩人向陽的詩網站，提供向陽現代詩、童詩、數位詩之作品與相關評介
®向陽詩房. All rights reserved.
Email: